Rev 11 | PONPDN | STEP | O MEN son dueta sokon pot pan don ia. Amen inda: Uda, son im en kaudok en Kot, o pei saraui, o irail me kaukaudok lol!

Revelation of John 11

1 O MEN son dueta sokon pot pan don ia. Amen inda: Uda, son im en kaudok en Kot, o pei saraui, o irail me kaukaudok lol! 2 A kapil penan im en kaudok kasela liki o der son, pwe a panalaner men liki kan o kanim saraui re pan kakaue saunipon paeisok riau. 3 O I pan kamanada nai saunkadede riamen, o ira pan kokop wei ran kid riepuki woneisok, likau kida likau tol. 4 Ira tuka olip riapot o lamp riau, me mimi mon Kaun en sappa. 5 Ma amen men kame ira, kisiniai pan lus wei san nan au ara, ap karonala naira imwintiti kan. Oma amen men kame ira, a pan kamela. 6 Ira manaman on en pinala lan, pwe ede katau arain ara kokopada, o ira kaun en pil, ira kak kawuk on nta pil akan o kame ki sappa son en kamekam karos, due ira inon ion. 7 Ira lao kanikiela ara kadede, man o, me pan pwarada san wasa lol, pan pel on ira, kaloe ira di, kame ira la. 8 O kalep ara pan wonon nani al en kanim lapalap, me ad a ni karaseras Sodom o Akipten, wasa ar Kaun pil kalopular. 9 Ari, me toto san ren men liki kan, o kainok, o lokaia, o aramas akan pan kilan kalep ara ran silu alep, o irail sota pan mueid on, me ara kalep pan saredi nan sousou. 10 O irail, me kaukauson sappa, kaneket kin ira o pereperen, re pan pakisakis pena, pwe saukop riamen et kin kaloke irail, me kaukauson sappa. 11 A murin ran silu alep maur san ren Kot pil til won lol ara, rap u ni na ara, a irail, me kilan ira, masakada kaualap. 12 O i roner nil laud eu san lan mamasani on ira: Koma koda don met! Ira ap kokidalan dapok, o imwintiti ara kilan ira. 13 Ni auer ota sappa rerer kaualap, eisokkis eu en kanim olar ni rerer, o mar isekid en aramas mekilar, me tei kan masakalar, rap landar Kot en lan. 14 Kamekam kariau wiauier. Kilan kamekam kasilu me pan pitipit wiaui. 15 Tounlan kaisimen pepeuk koronete. Nil laud ap wiauier nanlan indinda: Wein sappa id wialar wein atail Kaun o sapwilim a Kristus. A pan kotin kaunda kokolata. 16 A lapalap riek pamen, me ariri Kot pon mol arail, rap pupedi ni silan ir poni Kot masani: 17 Se danke komui, Main Kot, Kaun en meakaros, me kotikot metet, o me kotikot mas o, pwe re kotin aleer ar manaman lapalap, o kotin Nanmarki lar. 18 O wei kan makaradar, a ar onion leler, o a leler ansaun melar akan pakadeik, o a leler ansau en katini sapwilim omui ladu saukop akan o saraui kan; irail, me lomwineki mar ar, tikitik kan o lapalap akan, o en kawe irail. me kin kawela sappa. 19 Im en kaudok en Kot, mi nanlan, ritidar, o kopa en inau pinnar nan im en kaudok o; a liol, o nil akan, o nansapwe kan, o rerer en sappa, o akel lapalap wiauiedar.